दुसऱ्यांदा अध्यक्षपदाची जबाबदारी; सर्वसाधारण सभेत नवीन कार्यकारिणीची निवड
लांजा (अरबाज नेवरेकर) : मासूमनगर-कुंभारवाडी येथील मस्जिद ए अब्बास ट्रस्टच्या अध्यक्षपदी नौशाद नेवरेकर यांची दुसऱ्यांदा बिनविरोध निवड करण्यात आली. रविवार, १ नोव्हेंबर रोजी आयोजित करण्यात आलेल्या ट्रस्टच्या सर्वसाधारण सभेत ही निवड प्रक्रिया पार पडली.
या सभेत ट्रस्टच्या नवीन कार्यकारिणीची निवड करण्यात आली. यामध्ये उपाध्यक्षपदी सिराज दसुरकर, सचिवपदी अब्दुल रहिमान मुकादम, सहसचिवपदी अल्लाउद्दीन नेवरेकर, तर खजिनदारपदी समीर पालकर तर सल्लागार म्हणून शब्बीर संग्रार यांची निवड करण्यात आली.
कार्यकारिणी सदस्य म्हणून अरबाज नेवरेकर, इम्रान सय्यद, मोसिन खतिब, अस्लम मणियार, अब्दुल खतीब आणि हाशम दसुरकर यांची निवड करण्यात आली.
नौशाद नेवरेकर यांची दुसऱ्यांदा अध्यक्षपदी बिनविरोध निवड झाल्याने त्यांच्यावर अभिनंदनाचा वर्षाव होत आहे. नवनिर्वाचित अध्यक्षांसह सर्व कार्यकारिणी सदस्यांचे परिसरातून अभिनंदन करण्यात येत आहे.
