मधुर सुरांची मेजवानी; लांजावासीयांसाठी कार्यक्रम विनामूल्य
लांजा (अरबाज नेवरेकर) : दिवाळीच्या आनंदोत्सवात संगीताची रंगत आणण्यासाठी लांजा कराओके कट्टातर्फे सोमवार, दि. ९ नोव्हेंबर रोजी ‘आली माझ्या घरी ही दिवाळी’ या विशेष सांगीतिक कार्यक्रमाचे आयोजन करण्यात आले आहे.
दिवाळीच्या मंगलमय वातावरणात मधुर गीतांच्या सुरांनी सजलेली एक सुंदर संध्याकाळ लांजावासीयांना अनुभवता येणार आहे. या कार्यक्रमात लांजा कराओके कट्टाचे कलाकार आपल्या सुमधुर आवाजातून विविध गीतांची सुरेल मैफल सादर करणार आहेत.
हा कार्यक्रम सोमवार, ९ नोव्हेंबर रोजी सायंकाळी ६ ते रात्री ९ या वेळेत माऊली सभागृह, एक नंबर मराठी शाळेसमोर, पोस्ट ऑफिस रोड, लांजा येथे होणार आहे.
विशेष म्हणजे हा कार्यक्रम सर्वांसाठी विनामूल्य खुला ठेवण्यात आला असून, संगीतप्रेमींनी मोठ्या संख्येने उपस्थित राहून या सुरेल दिवाळी संध्याकाळीचा आनंद घ्यावा, असे आवाहन लांजा कराओके कट्टातर्फे करण्यात आले आहे.
