रत्नागिरीत ७० वर्षीय महिला घरातून बेपत्ता; पोलिसांत तक्रार दाखल

रत्नागिरी : रत्नागिरी शहरातील कर्ला मशिदीजवळील घरातून ७० वर्षीय महिला कोणालाही काहीही न सांगता घराबाहेर पडल्याची घटना घडली असून, त्या अद्याप घरी परतलेल्या नाहीत. याप्रकरणी रत्नागिरी शहर पोलीस ठाण्यात अज्ञात व्यक्तीविरुद्ध गुन्हा दाखल करण्यात आला आहे.

ही घटना १२ सप्टेंबर २०२६ रोजी दुपारी १२.४५ वाजण्याच्या सुमारास घर क्रमांक ७८/अ, कर्ला मशिदीजवळ, रत्नागिरी येथे घडली. सुलताना इस्माईल शेख (वय ७०) या घरातून कोणालाही न सांगता निघून गेल्या. कुटुंबीयांनी त्यांचा शोध घेतला असता त्या अद्यापपर्यंत घरी परतलेल्या नसल्याने निलोफर जहिर मुकादम (वय ४१) यांनी पोलिसांत तक्रार दिली.

या तक्रारीवरून १२ सप्टेंबर रोजी रात्री ९.१९ वाजता रत्नागिरी शहर पोलीस ठाण्यात गुन्हा क्रमांक ३४५/२०२६ अन्वये भारतीय न्याय संहितेच्या कलम १४०(३) अंतर्गत गुन्हा दाखल करण्यात आला आहे. बेपत्ता सुलताना शेख यांचा शोध घेण्याचे काम पोलिसांकडून सुरू आहे.