खेडमध्ये गांजा विक्रीप्रकरणी तरुणावर गुन्हा; १.०६ लाखांचा मुद्देमाल जप्त

खेड (प्रतिनिधी) : खेड-दापोली मार्गावरील फुरूस गावाजवळ विक्रीसाठी गांजा बाळगल्याप्रकरणी २९ वर्षीय तरुणाविरुद्ध खेड पोलिस ठाण्यात गुन्हा दाखल करण्यात आला आहे. या कारवाईत पोलिसांनी ३२० ग्रॅम सुकलेल्या गांजासह दुचाकी व रोख रक्कम असा एकूण १ लाख ६ हजार ५० रुपयांचा मुद्देमाल जप्त केला. ही कारवाई १८ सप्टेंबर २०२६ रोजी सायंकाळी ६.४७ वाजण्याच्या सुमारास करण्यात आली.

याबाबत पोलिस शिपाई सोहेल इक्बाल ढगे यांनी फिर्याद दिली आहे. त्यानुसार सकलेन अस्लम अंतुले (वय २९, सध्या रा. भोसते जलालशहा मोहल्ला, ता. खेड) याच्याविरुद्ध गुन्हा दाखल करण्यात आला आहे.

पोलिस नोंदीनुसार, आरोपी हा विक्रीच्या उद्देशाने गांजा बाळगलेल्या स्थितीत आढळून आला. पोलिसांनी त्याच्याकडून ३२० ग्रॅम वजनाचा सुकलेला गांजा जप्त केला असून त्याची किंमत १६ हजार रुपये आहे. तसेच ९० हजार रुपये किमतीची PRL Moon Stone Gray रंगाची Suzuki Access 125 दुचाकी आणि ५० रुपये रोख रक्कम असा मुद्देमालही जप्त करण्यात आला. जप्त करण्यात आलेल्या मुद्देमालाची एकूण किंमत १ लाख ६ हजार ५० रुपये आहे.

या प्रकरणी खेड पोलिस ठाण्यात गुन्हा रजिस्टर क्रमांक ३१५/२०२६ नुसार अंमली औषधी द्रव्ये व मनःप्रभावी पदार्थ अधिनियम १९८५ मधील कलम ८(क), २०(ब)२(ब) अन्वये गुन्हा दाखल करण्यात आला आहे.